Canal 
Eman € 5
Antzezlanaren kartelean aipamena
Antzezlanaren kartelean aipamena
> 10 Aldi bereko finantzakideak
Proiektu honi buruz
Antzezlana, euskaraz, nerabe eta aurrenerabeei zuzendua, bi emakumeren arteko maitasun-harreman positiboa eta bete-betekoa azaltzen duena
Beharren zerrenda erakutsi
Azpiegitura
|
Gutxienekoa | Hobeezina |
|---|---|---|
|
Argiztaketarako diseinu eta materiala
Argiztaketa diseinua eta beharrezkoa den materialaren alokairua
|
€ 2.200 | |
|
Goteo plataformaren kudeaketaren kostua gutxieneko aurrekontua lortzen daba
Kudeaketa kostuak
|
€ 432 | |
|
Goteo kudeaketa plataformaren kostua gehienezko aurrekontua lortuaz gero
Goteo kudeaketa plataformaren kostua gehienezko aurrekontua lortuaz gero
|
€ 271 |
Eginkizuna
|
Gutxienekoa | Hobeezina |
|---|---|---|
|
Musika sorketa
Musikaren sorketa eta grabaketa
|
€ 1.100 | |
|
Lantaldearen bidai eta dietak
Ensaiuek iraungo duten hilabetean lantaldeak egin beharko dituen bidai eta dieten kostua
|
€ 1.000 | |
|
Ikustaldi baten katxeta
Proiektuaren aurrekontua onena lortuaz gero antzezlanaren saio batek suposatzen duen kostua lortzen dugu
|
€ 2.600 | |
|
Ikustaldi baten katxeta
Antzezlanaren saio bat doan egin ahal izateko beharrezkoa den diru-kopurua
|
€ 2.600 |
Materiala
|
Gutxienekoa | Hobeezina |
|---|---|---|
|
Publizidadea (kartelak, esku-orriak, iragarkiak)
Antzezlanaren publizidadea, irudi / kartel / banner / teaserraren grabaketa, entseiuen grabaketa, inprimaketa, banaketa, eta hedabideetako iragarkien kostuak barne
|
€ 2.500 | |
|
Sarien bidalketa
Jasotako sarien bidalketa ohiko posta bidez
|
€ 500 | |
| Guztira | € 8.003 | € 13.203 |
Nahitaezkoa
Gehigarria
Informazio orokorra
“Käffka” izenburua duen antzezlan baten produkzioa Kamikaz Kolektiboa (Erika Olaizola, Amancay Gaztañaga eta Miren Gaztañaga) antzerki-konpainiaren kargura. Gehitu - Euskal Herriko Lesbiana, Gay, Transexual eta Bisexualen Elkartearen ikuskapena eta parte-hartzea izango du. Azken unean Ortzadar GLTB elkartea ere gehitu zaigu lantaldera.
Obra 5 aktore gaztek antzeztuko dute (Edurne Azkarate, Amaia Irazabal, Iraia Elias, Oier Guillan eta Mikel Ibarguren), eta 55 minutuko iraupena izango du.
Xede-audientzia edo publiko objektiboa 12 eta 17 urte bitarteko nerabeak dira, baina nerabe horien heziketan parte hartzen duten pertsona helduak ere ez ditugu ahanzten, eta antzezlanaren gai nagusia zera izango da, horretarako daukagun identitatearen eta askatasunaren autodefinizioa, sexu-aniztasuna eta, zehazki, lesbianismoa. Produkzioaren jatorrizko hizkuntza euskara da, Euskal Herriko nerabeek normalki erabiltzen duten hizkuntza baita, baina ez dugu erabat baztertzen etorkizunean gaztelaniaz ere antzeztea.
Antzezlanaren izenburuan Kafkkari eta "Metamorfosia" izeneko bere obrari keinu bat egiten diegu, izan ere, azken batean, hau guztia nabarmendu nahi baitugu:
• Nerabezaroa metamorfosi-etapa bat da, non gure ni propioa eraiki behar dugun .
• Maitasunari lotutako gaiei buruzko hausnarketa egitea, irudi estereotipatuetatik urruntzea, eta harreman positiboak eta bete-betekoak azaltzea, ohiko maitasun erromantikoari kontrajarriz.
• Obraren beraren ekintza nerabeekin konektatu ahal izateko zubi erakargarri gisa azaltzea.
• Bi emakumezko pertsonaia sendoren existentziarekin planteatzen dugu antzezlana, bi emakume horien arteko maitasun-harremanaren istorioa naturaltasunez eta askatasunez antzeztuz.
• Sorkuntza-fasean, gaur egungo nerabeek bizitzen dituzten errealitateak kontuan izango ditugu, ikusten ari diren antzezlanarekin identifikatu ahal izan daitezen.
Oinarrizko ezaugarriak eta helburuak
• Lesbianen agerikotasunik ezari buruz hitz egitea topiko bat da dagoeneko, baina besterik gabe onartutako gertakari bat baino zerbait gehiago da errealitatean. Lesbianismoaren eremuan lan egiten dugun emakumeok kezkatzen gaituen gai bat zera da, lesbianen agerikotasunaren defizita, izan ere, iruditzen baitzaigu gayen presentzia publikoa nabarmenagoa eta onartuagoa den neurrian gehiago mugatzen dela emakume lesbianaren existentziaren agerikotasuna. Eta are gehiago gure garapenaren adin goiztiarrenetan, nerabeek eta aurrenerabeek erreferentzia heteropatriarkal mordoa jasotzen baitute zinemaren eta telebistaren bidez batez ere.
• Beraz, lehentasunezkoa da gure errealitatearen agerikotasunean aurrerantz egitea, normalki ezkutatuta baitago gizartearentzat oro har eta baita emakume lesbianentzat beraientzat ere, emakume horiek nerabeak nahiz helduak izan, erreferentzia erakargarri, positibo eta onbidezkoak aurkitu gabe jarraitzen baitute gure gizarte heteropatriarkal honetan, gure agerikotasuna etengabe mugatzen duelako eta gu armairuaren barnean gure kideak diren gizon homosexualak baino indar eta sakontasun askoz handiagoz mantentzen gaituelako.
• Arrazoi horrengatik, planteatzen den proposamenaren bitartez publiko nerabe eta aurrenerabeari lesbianismoaren ikuspegi positiboa eskaini nahi zaio egun dagoen errealitate bat bezala, maitasun erromantikoak ezarritako arauetatik urrun dagoen maitasun-harreman zintzoa garatzen duten bi emakumezko pertsonaia indartsu eta bete-beteko azaltzen dituen antzezlan baten bitartez.
• Pertsonak banaka nola gizartea oro har aberasten gaituen aniztasun afektibo-sexual batean euren nerabeak hezteko interesa azaltzen duten ikastetxe, kultura-zentro, udal-erakunde eta gune alternatibotan antzeztu nahi dugu gure obra.
• Proiektu hau interesgarria da LGTBI komunitatearentzat eta talde feministentzat nahiz ikasgelen barnean edota kanpoan aniztasun afektibo-sexuala tratatzeko tresnak bilatzen dituen hezkuntza-komunitatearentzat.
Zerk bultzatzen zaitu eta zeini zuzenduta dago proiektua
Gure helburua asmo handikoa da: antzerki lesbikoko obra bat idatzi, produzitu eta estreinatzea 13 eta 17 urte bitarteko nerabeentzat eta euskaraz (hasiera batean), emakumeen arteko maitasunaren ikuspegi positibo eta normalizatuarekin, errealitate hori nerabeengana hurbilduz.
Antzezlan hau produzitu eta estreinatzeko aurrekontua 33.250 euro da, eta dagoeneko Kutxa Fundazioaren eta BBKren finantzaketa lortu dugu, ia 25.000 euroko ekarpena egin baitute. Beraz, 8.250 euro lortu behar ditugu, eta hori kanpaina honekin lortu nahi dugu.
Orain arte jasotako laguntzei esker, aurrestreinaldi bat egin ahal izango dugu urriaren 10ean, hain zuzen ere kanpaina honen erdian. Eta data hori baino lehen ekarpenen bat egin duzuen guztiok bertaratzeko aukera izango duzue.
Estreinaldi formala, nerabeei zuzendua, 2018an zehar egin ahal izango dugulakoan gaude. Zuen aldetik gero eta laguntza handiagoa jasotzen dugun neurrian, are eta aukera gehiago izango ditugu antzezlana hainbat euskal udalerritan programatzeko.
Orain arte adierazitakoaz gain, honako hau ere lortu nahi dugu:
• Oso urria den antzerki-eskaintza areagotzea, non sexu-aniztasuneko pertsonaiak ez diren ohikoak.
• Gizarte gisa normalizatu egin behar dugun errealitate bat hurbiltzea nerabeei, eta adin horietan jarri behar dugu ñabardura handiagoa orientazio afektibo-sexualeko eta generoko aniztasunekiko gaitzespena desagerraraztea lortzeko.
• Lesbianismoaren ikuspegi positiboa azaltzea, gure gizartean estereotipo negatiboak jasaten jarraitzen baitu.
• Kultura-eremu desberdinetan erreferente positiboak aurkitzen laguntzea LGTBI nerabeei, euren errealitatearekiko identifikazio handia lortu dezaketen erreferenteetako bat antzerkia izanik, ia ukitu ere egin ditzaketen hezur-haragizko pertsonaiak azaltzen dituelako.
Kamikaz Kolektiboa Amancay Gaztañagak, Miren Gaztañagak eta Erika Olaizolak osatzen dute. 2014 urtean antzerkiak eta genero-ikuspuntu beretsu batek bildu zituen ibilbide ezberdineko hiru sortzaile ezagunak dira.
Antzezleak
Edurne Azkarate
Amaia Irazabal
Iraia Elias
Oier Guillan
Mikel Ibarguren
Ekoizleak-kudeatzaileak
Gehitu
Ortzadar GLTB
Giza konpromezua
Genero berdintasuna
Sexu-aniztasuna, kasu honetan lesbianismoa, normalizatzen duen bi emakumeren arteko maitasun-harremana normaltasunez aurkeztea, gizartearen aldetik aurreiritzi negatiboak jasaten jarraitzen baitu. Gidoia Gehituren webgunean partekatuko dugu honako lizentzia mota honekin: Creative Commons Aitortu Ez-komertziala Partekatu Berdin
Objetivos de Desarrollo Sostenible
-
Educación de calidad
Garantizar una educación inclusiva, equitativa y de calidad y promover oportunidades de aprendizaje durante toda la vida para todos
-
Igualdad de género
Lograr la igualdad entre los géneros y empoderar a todas las mujeres y las niñas
-
Reducción de la desigualdad
Reducir la desigualdad en y entre los países
-
Ciudades y comunidades sostenibles
Lograr que las ciudades y los asentamientos humanos sean inclusivos, seguros, resilientes y sostenibles
-
Paz, justicia e instituciones sólidas
Promover sociedades, justas, pacíficas e inclusivas