Canal 
Eman $ 328
Babestu teila bat
Gainera zure izena gure webguneko esker onen atalean azalduko da.
*Kasu, dohaitza honek zerga hobespenak ditu. Kalkulatu hemen 👉
> 01 Aldi bereko finantzakideak
Proiektu honi buruz
Berreskuratu XVIII. mendeko etxe bat despopulazioaren kontra borrokatzeko
Beharren zerrenda erakutsi
Azpiegitura
|
Gutxienekoa | Hobeezina |
|---|---|---|
|
Kanpoko arotzeria
3 leiho abisagratu eskaileretan, gaur egungoak ordeztuko dituztenak, suteen segurtasunari buruzko homologazioa betetzeko.
|
$ 44,822 | |
|
Kanpoko arotzeria
Egungo zurezko leihoetan kristalak ordeztea, haustura termikoa duen kristal bikoitza jarriz.
|
$ 34,852 | |
|
Kanpoko arotzeria
Eraikinera sartzeko atea, P-2 motakoa, 140 cm inguruko zabalera eta 205 cm-ko altuera duena.
|
$ 32,797 | |
|
Barne-arotzeria
Barruko ate eraisgarria, itsua, 92x 200 cm-ko orri eraisgarria eta 32x 200 cm-ko orri finkoa dituena.
|
$ 14,934 | |
|
Barne-arotzeria
Barruko ate gidariduna, 92x 200 cm-koa, armazoi metalikorako (barne).
|
$ 15,305 | |
|
Barne-arotzeria
16 pasabide. Suminist ro eta EI 2 45-C5 suebaki-ateko block homologatua jartzea 90x 200 cm-ko orri batean
|
$ 272,630 | |
|
Barne-arotzeria
Herrialdeko pinu-zurezko eskudel zuzena, 65x 70 mm-ko sekziokoa, tailerrean bernizatua.
|
$ 6,100 | |
|
Barne-arotzeria
Instalazioetako hodiak ezkutatzeko kaxak jartzea, pinu-zurezko elementuekin.
|
$ 9,795 | |
|
Elektrizitatea Eta Telekomunikazioak
Aginte-koadroa eta bigarren mailako bi koadro instalatzea, bai eta 4 zirkuitu bereizi ere, eta lur-hargunea jartzea.
|
$ 83,413 | |
|
Elektrizitatea Eta Telekomunikazioak
75 argi-puntutako deribazio.
|
$ 67,409 | |
|
Elektrizitatea Eta Telekomunikazioak
Horman sar daitezkeen sabaiko 12 mugimendu-detektagailu
|
$ 22,389 | |
|
Elektrizitatea Eta Telekomunikazioak
Hainbat deribazio eta konexio
|
$ 75,586 | |
|
Elektrizitatea Eta Telekomunikazioak
Telekomunikazioak instalatzea
|
$ 26,762 | |
|
Tximinia eta aireztapen-sistema instalatzea
Tximinia eta aireztapen-sistema instalatzea
|
$ 149,357 | |
|
Suteetatik babesteko instalazioa
30 sugar-detektagailu optiko, EN 54-7 araudiaren arabera, LED alarma-adierazle katigamenduduna.
|
$ 38,110 | |
|
Suteetatik babesteko instalazioa
2x1,5 mm2-ko S0Z1-K (AS+) motako kobre malguko 30 eroale hornitu eta instalatzea detektagailuak elikatzeko.
|
$ 27,549 | |
|
Suteetatik babesteko instalazioa
160 lumeneko azalerako larrialdiko 30 argi unitate hornitu eta jartzea, ordubeteko autonomia,
|
$ 37,520 | |
|
Suteetatik babesteko instalazioa
Sute bitonalen alarma-sirena, intzidentziak automatikoki detektatzeko zentrala, su-itzalgailuak, su-itzalgailuen seinale fotoluminiszenteak eta irteerakoak.
|
$ 36,820 | |
|
Igeltserotza
Trasdosatu autosostengatzailea PYL 78/600 (48) 2f- ei 60
|
$ 83,610 | |
|
Igeltserotza
PYL 85/600 trasdosatu autosostengatzailea (70)
|
$ 137,747 | |
|
Igeltserotza
PYL estradosatu autosostengatzailea, isolamenduarekin
|
$ 283,759 |
Eginkizuna
|
Gutxienekoa | Hobeezina |
|---|---|---|
|
Kanpoko arotzeria
Egur hondatuzko kanpoko arotzeria konpontzea, bernizak kenduz, deskoadrak zuzenduz, beira sinpleak desmuntatuz eta hondatutako burdineria aldatuz. Arotzeria prest utzi behar da kristal berriak jartzeko eta bernizatzeko.
|
$ 25,144 | |
|
Kanpoko arotzeria
Lehendik dagoen egurrezko atean egin beharreko lanak, irekieraren noranzkoa aldatzeko, barrutik kanpora, suteen segurtasunari buruzko EKTaren eskakizunen ondorioz.
|
$ 32,797 | |
|
Igeltserotza
Harrizko hormetako eskaileretako leihoen zuloa handitzea, suteen segurtasun-araudia dela eta.
|
$ 89,645 | |
| Guztira | $ 489,177 | $ 1,648,853 |
Nahitaezkoa
Gehigarria
Informazio orokorra
Perotx XVIII. mendeko harrizko etxea da eta Urraul Goiti haran ederrean kokatua dago, Nafarroako haran despopulatuena. Hain zuzen ere Adoain herrian. Adoain bailararen ertz batean dago, Zaraitzuibarrarekin muga egiten. Bertako azken biztanleak 93 urte bete ditu eta zonaldeko memoria biziaren zaindaria da. Alegia, Adoain Nafarroako despopulazioaren KM0 dela baieztatu dezakegu. Proiektu hau duela bi hamarkadatik abandonatuta dagoen ondare material bat berreskuratzeko asmo sendoarekin sortu da. Etxea Nafarroako Kultura Ondarearen Erregistroan inskribaturik dago "tokiko garrantzia duen ondasun" gisa. Era berean, Perotx sormen-zirrarak landagunean egitasmoa abian jartzeko lehen urratsa da: landatartasun berrien inguruko lankidetzarako, ikerketarako eta sorkuntzarako gune bat. Bada ere, despopulazioaren aurkako borrokarako zein hiri eta landa eremuen arteko harremanen hausnarketarako gune bat ere. Jarduera kulturala eta sorkuntza eraldatzailea ardatz hartuta, proposamen berritzaile honekin jakintzak berreskuratu eta sortu nahi ditugu, baita esku-hartze eta asaldura komunitarioa eragin ere.
Oinarrizko ezaugarriak eta helburuak
Perotx etxearen birgaitzea ondarea kontserbatzeko ekintza izateaz gain, haraneko gizarte-ehuna biziberritzeko eta elkar-bizitzeko modu berriak aztertzeko apustua ere bada.
2005ean behin betiko itxi zuten arte, Perotx elkartzeko gunea izan zen. Bertan, udako kanpalekuak, kirol-jarduerak — Nafarroako Gobernuak frontoi estalia osasunerako instalazio aktibo gisa katalogatu zuen — eta herri-ospakizunak egin ziren. Gure funtsezko helburuetako bat funtzio kolektibo hori berreskuratzea da. Berriro ere elkarbizitzarako leku bihurtu nahi dugu, belaunaldien arteko lankidetzara irekita egoiliarren eta biztanleria intermitentearen artean (haranetik migratutako pertsonak asteburuetan edo udan itzultzen direnak). Perotx berriro taupaka hastea nahi dugu, komunaltasun eta bizitza partekatuaren nukleo gisa, eskualdearen berreskurapen kultural, sozial eta emozionalerako funtsezko elementu gisa.
Baina birgaitze hori ez da Perotxek iraganean izan zituen erabilerak berreskuratzera mugatzen; aitzitik, eraldatu egin behar da, proiektu kolektibo berri bat hartzeko. Zentzu berri bat emateak espazioa egungo beharretara egokitzea dakar – eta indarrean dagoen legeriara –, erabilera segurua, irisgarria eta ingurunearekiko errespetuzkoa bermatuko duten hobekuntzen bidez. Perotx leku zaindua eta irekia izatea nahi dugu. Pertsona guztiek parte hartu ahal izan dezaten eta lasaitasunez sortu ahal izan dezaten bermatu nahi dugu. Beren jarduerak segurtasunez eta ongizatez garatzeko beharrezko baldintzak bete beharko dira. Prozesu osoa ikuspegi jasangarri eta ekologikotik planteatzen da, material naturalak, eraginkortasun energetikoa eta lurraldearen memoria eta erritmoak errespetatzen dituzten praktikak lehenetsiz.
Nondik abiatuko gara?
Aurrepirinioan etxebizitzak eta espazioak berreskuratzen ibilbide sendoa duen Rafael Aristu Alcelay arkitektura-estudioak egindako birgaitze-proiektu bat dugu honezkero. Gainera, bultzada handia jaso dugu 2023-2027 NPEPEaren esparruan CEDERNA-GARALUR tokiko ekintza taldeak sustatuta Nafarroako Gobernuko Landa Garapeneko Departamentuak Toki Garapen Parte-hartzailerako Estrategiak gauzatzeko egindako laguntza deialdiari esker. Europar Batasunak batera finantzatutako laguntza bat da, 200.000 euroko gehieneko aurrekontuaren % 30 estaltzen duena. Perotx etxearen birgaitzearen guztizko aurrekontua 250.000 eurokoa da eta 57.059,91 euro esleitu dizkigute.
Hala ere, laguntza horrek funtsezko baldintza bat du: 2026ko apirila baino lehen gauzatu behar dugu proiektu osoa. Horren ondorioz, crowdfunding-kanpaina hau abiarazi dugu, aurrekontuaren zati bat osatzen lagunduko diguten ekarpenak batzeko, kanpo-finantzaketa ahalik eta txikiena izan dadin eta egitasmoaren bideragarritasuna ito ez dezan. Crowdfunding kanpaina honetarako gutxieneko aurrekontua 22.373 eurokoa da, eta egokiena, 75.412 eurokoa.
Bestalde, lehen urratsak eman ditugu jada tokiko bizitza komunitarioaren parte aktibo izateko. Adoaingo Ababuru Elkarteko kideak gara eta auzolanetan parte hartzen dugu, lurraldearekiko zein auzokideekiko konpromisoaren adierazpen bizia. Gainera, Perotxeko frontoi estaliak Adoaingo jaietako herri bazkaria hartu zuen 2024ko udan, eta, horrela, herriarentzat topaleku, ospakizun eta elkar-bizitzarako duen eginkizuna berreskuratu zen.
Zerk bultzatzen zaitu eta zeini zuzenduta dago proiektua
Adoáin, hustutako Nafarroaren km 0a
Nafarroako Gobernuak eta beste hainbat gizarte eragilek Urraul Goitiko bailarari aitortzen dioten despopulazioaren muturreko arriskua da gure ekimenari zentzua ematen dion motorra. Errealitate Sozialaren Behatokiak egindako Nafarroako lurralde desberdintasunen diagnostikoa (2021) txostenaren arabera, bailarako 12 udalerrietan 133 pertsona baino ez daude erroldatuta. Alta, 60 baino ez dira benetan haranean bertan bizi. Muturreko despopulazioaren Europako atalasearen aurrean — 8 biztanle/km² baino gutxiago —, Urraul Goitik 0,9 biztanle./km² baino ez ditu. 2000-2019 urte tartean Nafarroako biztanleria % 20 hazi zen, baina bailara horrek, ordea, biztanleen % 22a galdu zuen. Horrek belaunaldiak berritzeko ezintasuna iragartzen du, bailarako biztanleria hamarkada gutxiren buruan erabat desagertuko baita.
Despopulazioaren muturreko arrisku horri beste hutsune-mota bat gehitu behar zaio: lurraldean apenas emakumerik ez egotea. Nafarroako maskulinitate-indizea 98koa den bitartean, hemen 189koa da, giza paisaia erabat desorekatua marraztuz. Desoreka hori ez da soilik datu estatistiko bat, baizik eta oztopo isil bat, eguneroko bizitza mugatzen duena, zaintza-sarea ahultzen duena, aukerak pobretzen dituena eta sustrai desberdineko etorkizuna irudikatzeko aukera geldiarazten duena. Despopulazioa, zaharkitzea eta maskulinizazioa berrelikatu egiten dira, pertsonak ez ezik, haraneko jakintzak, harremanak eta oroimena ere ezabatzearekin mehatxatzen duen zikloa betikotuz.
Errealitate horren aurrean, premiazkoa da lurraldean errotuko diren eta bizitzeko eta elkar-bizitzeko modu berrietara irekiko duten proposamen biziak eta sortzaileak ereitea. Izan ere, despopulazioak, herri horiek izan zirenaren aztarnak ezabatzeaz gain, munduan egoteko beste modu batzuen memoriak eta jakintzak galarazten ditu. Bide berriak marrazteko aukerak eskain lezaketen memoriak eta jakintzak.
Konpromiso soziala, konpromiso kulturala, lurraldearekiko konpromisoa
Horregatik, laguntza ekonomikoaz gain, kanpaina hau lurraldearekin, kultura biziarekin eta mundua bizitzeko modu jasangarriekin konprometituta dauden pertsona guztiak eraikuntza-prozesu betean dagoen komunitate batean parte hartzera gonbidatzeko aukera gisa planteatzen da. Zuen parte-hartzeak, kofinantzatzaile gisa, Perotx birgaitzea ahalbidetzeaz gain, etortzeko dagoen guztia kolektiboki ehuntzen lagunduko digu.
Izan ere, Perotxen atzean proiektu-marko bat dago, aukeren edukiontzi bizia, 2024ko udan egin zen lehen lan kolektibotik sortua: Perotx: sormen-zirrarak landagunean. Lurraldeko gizarte-, kultura- eta ekonomia-ehuna indartzeko eta haren inpaktua haranetik harago proiektatzeko gai diren proposamenak jasotzeko sortutako proiektua:
-
Tokiko eta kanpoko eragileak – aktiboak zein ezkutukoak – maparatu nahi ditugu, lankidetza emankorrak aktibatzeko. Lankidetza horiek, gainera, diagnostiko amankomun bat egitea bultza dezakete, egungo errealitateak ulertzeko, memoriak erreskatatzeko, beharrak detektatzeko eta ibarrean etorkizun posibleak ikusteko.
-
Jakintza tradizionalen eta memoria komunitarioen aktibazioa sustatu nahi dugu. Dokumentazio, auto-narrazio eta landa-irudimen prozesuen bidez, landa-bizitzaren feminizazioan eta lurraldean errotuta dauden emakumeen esperientziak eta nahiak ikusaraztean arreta berezia jarrita.
-
Hizkuntzaren alorrean, eskualdean euskara berreskuratzen lagunduko duten ekintzak bultzatuko ditugu. Aldi berean, funtzionamenduan eta komunikazioan euskararen erabilera aktiboa egiteko konpromisoa hartzen dugu.
-
Dimentsio artistiko-kultural batean, egonaldi artistikoen eta sortzaileen jardueren programa egonkor bat sortzea planteatzen dugu, Perotx landa-eremuaren eta hiri-eremuaren arteko lotura-gune bihurtzeko. Lurraldean errotuta dauden proposamen sortzaileak hartuz eta artisten, tokiko biztanleen eta bisitarien arteko lankidetza-bideak irekiz.
-
Era berean, ibarreko biztanleei beren errealitateen narratzaile eta protagonista bihurtzeko aukera emango dieten tresna sortzaile, komunikatibo eta metodologikoetan komunitate-gaikuntza sustatzea proiektatzen dugu, landa-munduen ikusezintasun historikoa diskurtso nagusietan iraultzeko.
-
Baina, batez ere, esperimentazio kolektiborako espazio irekia eta etengabe eboluzionatzen ari dena argitu nahi dugu, elkarrekin bizitzeko, sortzeko eta eraikitzeko beste modu batzuk irudikatzea eta aktibatzea ahalbideratuko diguna.
Biziberritu, berreskuratu eta berpopulatu
Beraz, proposamen berritzaile eta sortzaileen bidez despopulazioaren aurka borrokatzeko grina sentitzen duzuenei zuzentzen gatzaizkizue. Baina, baita ere prozesu komunitarioekin lotu nahi duzuenei. Eta landa-memoriak eta -jakintzak berreskuratzea hiri-testuinguruetan ere bizimoduak birpentsatzeko giltzarri gisa baloratzen dituzuenei ere bai. Hiriaren erritmo bizkorraren aurrean alternatiba iraunkor eta humanoak bilatzen dituzuen pertsonei, ekologiarekin eta ingurunearen zaintzarekin konprometituta zaudetenei, eta munduan bizitzeko beste modu batzuk pentsatzeko, sortzeko eta eraikitzeko leku emankor bat landa-eremuan aitortzen duzuen sortzaile eta sortzaileei. Era berean, espazioa zuzenean erabiliko ez duten arren, lurraldean eta kulturan eragina duten ekimen kolektiboetan lagundu nahi duten pertsonak inspiratu eta mobilizatu nahi ditugu.
Sendiaren memoriatik lurraldealdearekiko konpromisora
Perotxen historia hurbila, proiektu gisa, 2023ko irailean hasten da, kasualitate eta bihozkada indartsu baten ondorioz. Gure talde eragileko kide den Iñigo Martínez Monasteriok ustekabean aurkitu zuen Nafarroako Gobernuak enkante publikora aterako zuela Perotx, interes kulturaleko eraikin bat, Adoainen kokatua, Urraul Goitin. Haranarekin duen loturak eta eskualdearekin duen familia-historiak bultzatuta, Iñigok enkantean parte-hartzea eta eskaintza egitea erabaki zuen, horretarako lagunekin harremanetan jarri zelarik sustengu bila. Iragarpen guztien aurka lortu zuten etxea esleitzea. Enkanterako jada martxan zen Azpikari bioekintzailetza egitasmoa baliatu zen, eta berehala Pardixe Erangintza mikrokooperatiba berria sortu zen, bien egoitza Adoainen kokatuz. Horrekin, abian jarri da 20 urte utzita daramatzan eraikin baten berreskuratzea, eta, aldi berean, bi agente endogeno berri sartu dira, haraneko ekoizpen-sarearen dinamizazioan berehalako inpaktua izateko gaitasuna dutenak.
Proiektu kolektibo gisa, Perotxek 2024ko udan eman zituen lehen urratsak. Nafarroako eta penintsulako beste leku batzuetako jende multzo bat astebetez elkarrekin bizi izan ginen etxea berreskuratzeko lanei ekiteko. Egun haietan, diziplina anitzeko profilak dituzten pertsonen talde heterogeneo, eleaniztun eta belaunaldiarteko bat elkartu zen. Ikerketa sozialaren, esku-hartze komunitarioaren eta ekintza kolektiboaren arloetan esperientzia handia duten pertsonak, besteak beste, honako esparruekin lotutakoak: unibertsitateko irakaskuntza, ikus-entzunezko arteak, antropologia, nekazaritza eta abeltzantzako ingeniaritza edo elikadura, kudeaketa kulturala eta enpresa-kudeaketa soziala. Proiektu horren helburua ez zen soilik despopulazioaren kontra borrokatzea eta Urraul Goitiko haraneko bizitzan hobekuntzak eragiteko ekarpenak egitea. Bada ere, posible egiten duten edo bertan inspirazio-iturri bat aurkitzen duten pertsona guztietan ere eragitea.
Egitasmo kolektiboa eta parte-hartzailea
Perotx proiektua, beraz, elkarren gainean jarritako lau partaidetza-geruza sendotuz egituratzen da: lehenik, proiektua sustatzen duen eta kooperatiba gisa egituratuta dagoen talde eragilea; bigarrenik, irabazi-asmorik gabeko elkarte soziokultural baten inguruan antolatutako geruza kolektiboa (gaur egun legeztatze-prozesuan dago); hirugarrenik, lankidetza- eta aliantza-sare bat tokiko zein eskualdeko entitateekin, zein arteari, kulturari, esku-hartze komunitarioari eta agroekologiari lotutako kolektiboekin; eta, azkenik, laugarren geruza bat, bailarako biztanleek osatua, horiek baitira ekimenaren bihotza eta azken helmuga. Baina baita ere, bertakoak izan gabe, euren energia eta sorkuntza egitasmoari batu nahi dioten pertsonak.
Giza konpromezua
Kultura sortzea
Indibidualtasunetik kolektibora igarotzea berez eraldatzailea bada, are gehiago, diziplina anitzeko pertsona-talde bat elkartu izana elkarrekin amets egiteko eta Nafarroako Aurrepirinioko bailara honetako despopulazioaren aurkako borrokan beren ekarpena egiteko.
Perotx eskualdearekiko errespetu handia izateko asmoz sortu da. Urraul Goitiko gizarte-eragileekin eta haranean bizi diren edo harremana duten pertsonekin inplikatuta eta konektatuta, landa-garapen iraunkorra sustatu nahi du. Lurraldean errotu eta bailaran eraldaketa soziala bultzatu nahi du, haranaren muga geografikoak gaindituko dituen aldaketarako abiapuntu gisa. Horretarako, landako eta hiriko komunitateen arteko trukea sustatuko duten sareen parte-hartze aktiboa eta artikulazioa sustatzearen aldeko apustua egiten du. Horrela denboran eragin iraunkorra izateko gaitasuna indartuz.
Gure proiektuaren konpromiso soziala bost ardatzetan gauzatzen da, eta ardatz horien bidez honakoa bilatzen dugu:
-
Harana zeharkatzen duen muturreko despopulazio-egoera aldatzea.
-
Espazioak eta ondasun materialak errespetuz, irisgarritasunez eta iraunkortasunez berreskuratzea.
-
Ondare immateriala eta tokiko memoriak zaintzea, jakintza berriak sortzeko oinarri gisa.
-
Landa-eremuaren eta hiri-eremuaren arteko topaketa- eta hausnarketa-guneak sustatzea.
-
Arte- eta kultura-sorkuntza sustatzea landa-ingurunetik eta landa-ingurunerako, bertan bizi direnekin lankidetzan.
Gure konpromisoa, gainera, crowdfunding-kanpaina honetan bertan islatzen da; horregatik, "ordainsarien" modu berri baten aldeko apustua egiten dugu, gure proiektuaren funtsezko bi printzipiotan oinarrituta: elkar zaintzea eta Urraul Goitiko harana biziberritzea. Horrela, zure lankidetzak ekarpen bikoitza dakar: alde batetik, Perotx berritzeko laguntza ekonomikoa, eta, bestetik, ibarreko bizitzari zuzeneko ekarpena, lurraldeko esperientziei lotutako sarietan parte hartuz eta bertako jendearekin elkarreraginez. Sari guztiak diseinatuta daude, eragin ekologikoa minimizatzeko (materialen bidalketa masiboek, garestiak izateaz gain, karbono-aztarna handia sortzen dute) eta, aldi berean, sortzaile autonomoen, negozio txikien eta tokiko erakundeen lana ikusarazteko. Horrela, leiho bat irekiko dugu haiek ezagutarazteko eta beraiekin lankidetzan aritzeko sarea indartzen dugun bitartean, zuei beste arrazoi bat emango dizuegu elkar ezagutzera etortzeko. Hori esanda, bidaiatzeko edo haranera hurbiltzeko aukerarik ez baduzu, idatz iezaguzu eta aztertuko dugu saria ahalik eta inpaktu txikienarekin helarazteko modua.
Objetivos de Desarrollo Sostenible
-
Igualdad de género
Lograr la igualdad entre los géneros y empoderar a todas las mujeres y las niñas
-
Trabajo decente y crecimiento económico
Promover el crecimiento económico sostenido, inclusivo y sostenible, el empleo pleno y productivo y el trabajo decente para todos
-
Ciudades y comunidades sostenibles
Lograr que las ciudades y los asentamientos humanos sean inclusivos, seguros, resilientes y sostenibles
-
Producción y consumo responsables
Garantizar modalidades de consumo y producción sostenibles
-
Alianzas para lograr los objetivos
Revitalizar la Alianza Mundial para el Desarrollo Sostenible