Canal 
Aportando € 7
¡Colaboro!
Agradecimiento personalizado en la web del proxecto.
Desgravarías 5,6 € por lo que tu gasto real puede ser 1,4 €. Más info: https://gl.goteo.org/calculadora-fiscal
> 06 Cofinanciadores
O noso segundo aniversario
22 | 10 | 2025
Dous anos xa disto. Ou aínda, depende da perspectiva.
Lembrades? Imos plantar castiñeiros. Supoño que vos pasaría cando o comentabades na casa ou cos amigos: “iso tarda moito en medrar”, “castañas para os teus fillos, non?”. Ben pensado, o máis seguro é que non llo comentárades a ninguén, por se acaso.
Hoxe, 22 de outubro de 2026, ás 17:30, apañamos medio quilo de castañas da variedade xudía dun castiñeiro plantado en febreiro de 2024, enxertado en clon híbrido 111, pertencente ao proxecto de crowdfunding «Leiras de Progo», co que colaborastes.
Queredes que volo repita? Brevemente: hoxe apañamos as primeiras castañas.
Foi duro, está a ser duro. Entre outros problemas, levamos cos dous veráns máis secos desde que temos rexistros meteorolóxicos (os nosos datos só son de 15 anos atrás). Supoñemos que a partires de agora será a nota dominante. E aínda non demos feito o do rego por goteo, polo que seguimos regando de xeito manual.
Máis dureza? Un dos lotes que plantamos (60 castiñeiros) secaron o ano pasado nun 90 %. Ademais, os que viñestes á xornada de portas abertas que fixeramos na primavera de 2024 escollestes, case todos, un exemplar dese lote; xa podedes xogar a lotaría. Por unha parte, o viveiro quedou en repoñer bastantes deles, se ben o inverno anterior agardamos por se algún deles reagromaba. Por outra, por iso non enviamos aínda os diplomas de “padriño/madriña dun castiñeiro”. Estivemos a documentar para os que non viñerades en persoa a escoller o voso, pero non tivemos tempo de facelos todos de vez.
Medio quilo de castañas pode parecer pouco para unha plantación de máis de 300 castiñeiros. De certo. Pero estimamos que 50 deles xa teñen este ano ourizos, aínda que moitos non os deron criado e estamos quitándollos para non ter problemas de rotura da árbores, que son algo febles aínda. E pensade que teoricamente comezaría a produción a partires do terceiro, cuarto ou quinto ano. Isto foi un ano despois de plantados. Por que? En parte, porque moitos dos castiñeiros xa tiñan varias saivas (e foron ben caros). En parte, por algo de sorte, que tamén axudará. En parte, quizais fixemos algunha cousa ben (ao mesmo tempo que fixemos moitas mal).
Para o caso, o máis seguro é que o no outono de 2026 poidamos enviar a todos/as os/as padriños/madriñas a primeira produción do voso castiñeiro, no caso de que no momento do crowdfunding escollérades esa recompensa. E iso está moi ben.
O que comezamos coa vosa axuda en 2024 (o voso aporte para poñer en marcha esta leira da Montán), fixo que daquela tamén puideramos crear as leiras da Besada, A Senra mailo Cabezo. No inverno pasado tiramos para adiante e creamos as leiras da Coroceira, A Ribeira Abaixo, As Fontenlas mailos Rebouzos. Tampouco vos emocionedes moito, deben ser unhas 4 hectáreas en total. Todas estas leiras foran abandonadas hai varias décadas. Non son todas nosas, claro, nin as mercamos. Nalgún caso xuntamos algunha nosa con arrendamentos simbólicos a veciños que se prestaron a iso. Se vos soa o nome da Coroceira foi a que ardeu por completo en agosto, por se vos soa o conto. Na Ribeira Abaixo tamén nos arderon media ducia de concheiras e dúas ducias de oliveiras (razas galegas), a metade das que plantaramos o ano pasado para experimentar. Se todo vai ben, este ano tentaremos ampliar algunha delas e, falando cun par de veciños, poida que cheguemos a novos arrendamentos para sumar máis leiras ao proxecto.
A mellor novidade foi que mercamos (con bastante esforzo, a pesares de segunda man) un compañeiro de andainas que vai traballar connosco a partires de agora. Así alixeiramos algo o lombo, que cada ano pesa máis. Na imaxe vedes un “intento” de imaxe corporativa para o proxecto. Foi con mala intención, querïamos estimular ao noso amigo deseñador gráfico un pouco para nos facer unha imaxe corporativa algo máis decente (outra das razóns polas que estamos a adiar o envío dos diplomas).
E, a seguir, claro.
Comentarios
María Esther Bernárdez Parcero
Hace 1 semana
Cos sustos deste verán, estas novas son maior ledicia aínda. A seguir!
Inicia sesión para dejar un comentario