Zure helburua PiztuMeta! 2022 da

1. TESTUINGURU ETA GAIAK

Meta! talde-finantzazioa egiteko tresna berria da, pertsona askoren arteko lankidetzan oinarritua; ekimen jakin baten garapenari laguntzeko diru-kopuru bat biltzeko, internetek eskaintzen dituen aukerak erabiltzen dituzte. Eta talde-finantzazioari (crowdfunding) erakunde laguntza erantsi behar zaio, Gipuzkoako Foru Aldundiaren ko-finantzazioa hain zuzen, matchfunding aren bidez.

Meta! egitasmoa goteo.org plataformarenren bidez garatzen da. Goteo gizarte-sare bat da, talde-finantzazioa (diru-ekarpenak) eta lankidetza banatua (zerbitzuak, azpiegiturak, mikroatazak eta beste baliabide batzuk) burutzen dituena, eta, haren bidez, herritarren konpromisoari esker, gizarte, kultura, zientzia, hezkuntza, teknologia edo ekologiaren esparruetako helburuak lortu asmo dutenproiektu sortzaile eta berritzaileen garapen autonomoa sustatzen da.

Plataforma hori irabazi asmorik gabeko Platoniq Fundazioak kudeatzen du, eta honako printzipio hauek ditu oinarri: irekia, neutrala, gardena eta independentea izatea Goteo.org crowdfunding plataformaren garapenean eta mantentzean. Gainera, zerga onurak eskaintzen dizkie emaile eta bultzatzaileei.

Meta! egitasmoan, crowdfunding formulari Gipuzkoako Foru Aldundiaren inplikazioa erantsi behar zaio; matchfunding bidez, deialdi honetan parte hartu eta hura sustatzen baitu hiritarren ekarpenak osatze aldera, eta, horrela, ondorio biderkatzailea eragiten du egindako ekarpenekin.

Proiektu bakoitzaren crowdfunding kanpainak hasten direnean, Foru Aldundiaren ko-finantzazioak proiektuak laguntzen dituzten hiritarren ekarpenak babesten ditu, modu progresiboan. Eta horrela, hiritarrek ipintzen duten euro bakoitza biderkatu egiten da Foru Aldundiak ipinitakoari esker. Horri deitzen diogu matchfundinga. Modu horretan, proiektuek bere komunitatean jasotako ekarpenez gain, Gipuzkoako Foru Aldunditik 4.700 euro arte jaso ditzakete, Platoniq Fundazioaren bidez.

Foru Aldundiak Platoniq Fundazioarekin (lehen Goteo zenarekin) batera sustatutako Meta! egitasmoaren zazpigarren deialdia da hau. Deialdi horren bidez, herritarren parte-hartzearekin, Gipuzkoan finkatutako eragileek garatzen dituzten ekimen berritzaileen sorrera bultzatu nahi da kulturaren esparruan.

Agiri honen bidez Gipuzkoako kultura-proiektuen (Meta!) crowdfundinga bultzatzeko kanpainaren oinarriak zehazten dira, eta komenigarria da arretaz irakurtzea. Meta! deialdira proiektuak aurkezten direnean oinarri horiek onartzen direla ulertuko da.

2.  NORI ZUZENDUTA DAGO?

Crowdfundinga bultzatzeko deialdi honetan,  Gipuzkoako gizarte zibileko eragileek partikularrek nahiz entitate juridikoek (elkarte, kooperatiba, entitate sozial, etab.)– garatuko duten kultura-izaerako edozein proiektu aurkez daiteke.

Deialdi honetatik kanpo geratuko dira enpresak, udalak eta bestelako administrazio-erakundeak, eta, halaber, Gipuzkoako Foru Aldundia partaide duten erakunde eta organismoak.

Ezingo dira aurkeztu, ezta ere, aurreko Meta! deialdietan hautatuak izan diren proiektuak.

Crowdfundinga bultzatzeko kanpaina honetan parte hartzeak berekin dakar proiektua Gipuzkoako Foru Aldundiaren Kultura, Lankidetza, Gazteria eta Kirol Departamentuak antolatzen dituen bestelako laguntzak eta diru laguntzak eskuratzeko deialdietara ezin aurkeztea.

3. PROIEKTU MOTAK

Gaiak:

Crowdfundinga bultzatzeko kanpaina honen barruan sartuko dira gipuzkoar eragileek garatutako kultura-proiektuak.

Bereziki baloratuko dira ekimen berritzaileak, gipuzkoar eragileen sustatze-ahalmenari eragiteko eduki nabarmena dutenak.

Formatuak:

Kulturaren alorreko edozein ekimen, ekitaldi, programa, ekoizpen kultural, zerbitzu, teknologiaren garapen… aurkeztu ahal izango da crowdfundinga bultzatzeko kanpaina honetan.

Aurten, arreta berezia jarriko zaie digitalizatzea edo egungo krisiari irtenbide sortzaileak ematea bilatzen duten proiektuei, kultur praktikatik abiatuta.

Crowdfundinga bultzatzeko kanpaina Gipuzkoako gizarteari zuzenduta dagoenez, formatuaren bidez bilatu beharko da proiektua lurraldeko kultura- eta sorkuntza-beharrekin batzeko erarik onena.

4. EPEAK ETA EGUTEGIAK

4.1. Proposamenak jasotzeko fasea:

2022ko maiatzaren 4etik (00:00etan) ekainaren 23ra arte (15:00etan), biak barne, irekita egongo da proposamenak prestatu, horien inguruko aholkularitza eman eta bidaltzeko epea, geroago Meta! egitasmoaren barruan baloratzeko.

Nola aurkeztu proposamen bat?

Proposamenak aurkezteko, erabiltzaile bat sortu beharko da eta deialdi honetarako web orrialdean https://goteo.org/call/meta-gipuzkoa-2022 dagoen proiektuak jasotzeko inprimakia bete,  Goteo.org orrian erabiltzailearen profil bat erregistratu eta gero.

Komenigarria da inprimakia azken unean ez betetzea eta, aitzitik, proiektuaren edizio eta argitalpenean lanean aritzea pixkanaka, egin beharreko urratsak eginez eta eskuragarri dagoen tutoretza erabiliz.

Parte hartzaileek gehienez ere 2 proiektu aurkeztuko dituzte eta 1 bakarrik hautatuko da kanpainan sartzeko.

Inprimakian dauden eremu guztiak bete beharko dira (izenburua, azpititulua, gutxieneko eta gehieneko aurrekontua, deskribapen laburra, oinarrizko ezaugarriak eta crowdfundinga bultzatzeko kanpainaren helburuak, nori dagoen zuzenduta, aurretiazko esperientzia eta lantaldea, eskaintzen diren banakako sariak eta taldeko itzulketak, konpromiso soziala, eskatutako lankidetzak, lan-egutegia, etab.).

Komenigarria da kontuan izatea bideo labur bat eta argazki hautatu batzuk prestatu behar direla proiektua ilustratzeko. Proiektua aukeratua izanez gero, bideo hau eta dokumentazio grafikoa aldatu ahal izango dira.

Inprimakia bete ondoren, kasu guztietan, EZINBESTEKOA DA AZTERTZERA BIDALTZEA EZARRITAKO EPEETAN, proiektu bakoitza behar bezala baloratu ahal izateko, Meta! egitasmoaren izaera orokorrarekin duen kidetasunaren arabera eta deialdi honetako oinarrietan zehaztutako balorazio irizpideen arabera.

Inprimakia AZTERTZERA BIDALTZEN EZ BADA, baliogabetzat hartuko da, eta ez da hautaketaren barruan sartuko deialdian.

Proiektuak aurkezteko epea ekainaren 23an bukatuko da, 15:00etan, eta hortik aurrera ez da onartuko proposamen berririk.

4.2. Hedakuntza- eta prestakuntza-ekintzak

Proiektu bat aurkeztu nahi dutenei ahalik eta informazio gehiena emateko hainbat hedakuntzaeta prestakuntza-ekintza antolatuko dira eta komenigarria da parte hartzea:

2022ko maiatzaren 25 eta ekainaren 8: Crowdfundingari buruzko prestakuntza online lantegiak, herritar guztientzat irekiak. Izen ematea:

    https://goteo.cc/tallerpiztumeta25mayo
    https://goteo.cc/tallerpiztumeta8junio

2021ko irailaren 2 eta 5: Meta! egitasmorako hautatuak izan diren proiektuen komunikazioan prestatzeko lantegi online praktikoa eta derrigorrezkoa (bi zatitan banatua).

Crowdfunding tailerrera joatea oso gomendagarria da deialdian parte hartzeko interesa duten pertsona guztientzat, deialdiaren ezaugarriak ezagutzeko eta crowdfunding kanpainak zer diren eta nola funtzionatzen duten jakiteko, nahiz Platoniq Fundazioko kideekin elkartu eta elkar ezagutzeko.

Nolanahi ere, irailaren 2 eta 5eko komunikazioko berariazko lantegira joatea nahitaezkoa da hautatutako proiektuen arduradunentzat, lantegi horren xedea baita proiektuen  sustatzaileak prestatu eta aholkatzea aurrez aurre, modu pertsonalizatuan, gutxieneko finantzaketa lortzeko aukerak indartzeko eta, hortaz, kanpainaren arrakasta handitzeko

4.3 Proiektuen balorazioa eta hautaketa

Behin proposamenak jasotzeko epea amaitzen denean, proiektuak ebaluatuko dira ondorengo irizpide eta prozeduren arabera.

BALORAZIO IRIZPIDEAK

Aukeraketa egiteko, kontuan hartuko da proposamenaren bideragarritasun orokorra eta proiektuak nola egokitzen diren crowdfundingak finantzatzeko bitarteko bezala eskaintzen dituen aukeretara, balorazio-irizpide hauen arabera:

- Zehazteko fasean egotea eta, aurrekontu koherenteaz gain, ekimena modu eraginkorrean garatzeko plan bat izatea. (2 PUNTU)

- Esperientzia eta gaitasun frogagarriak dituzten eragileek sustatuta egotea edo eragile horiek bertan parte hartzea, modu eraginkorrago eta erakargarriagoan hedatzeko, eta, komunikazio-plan bat garatu eta ezartzeko gaitasuna izatea. Hori frogatzeko, komunikazio digitalaren hasierako deskribapen labur bat ipini beharko da Goteon, crowdfunding a bultzatzeko kanpainari begira, proiektuak inskribatzeko inprimakiak duen “Hedapena” atalean. (3 PUNTU)

- Proiektua zer kolektibo eta interes-talderi zuzenduta egongo den ondo identifikatuta egotea. (PUNTU 1)

- Interes-taldeentzat erakargarriak diren banakako sariak proposatzea; sariak jasangarriak izango dira, eta balio ekonomiko desberdineko tarteetara iritsiko dira. Baloratuko da sari horiek emaitzak erabili eta erreplikatzeko aukera ematea, erabilera komuneko baliabideak eskura jarriz, kodea irekiz eta lizentzia libreak erabiliz. (2 PUNTU)

- Proposamenaren kalitatea eta originaltasun- nahiz berrikuntza-maila, egungo ezagutzaren, produktuen eta zerbitzuen eskaintzari dagokionean nahiz komunitatearentzat desiragarriak diren eta ingurunea eraldatzeko eragin positiboak sortzen dituzten balioak sustatzeari dagokionez. (3 PUNTU)

- Partaidetza-kudeaketa gardena, lankidetza--jardunbideak edota eragileen arteko lankidetza sustatzea. (PUNTU 1)

- Proiektua Gipuzkoan garatu eta burutzea, eta proiektuaren bidez Gipuzkoako kulturaren esparrua aberastu eta bertan elkarri lotzea, eta, halaber, Gipuzkoako ekosistema kulturalean sar daitezkeen kalitatezko eta sormenezko proiektu eta ekimenak dakartzaten eragile berrien agerpena sustatzea. (3 PUNTU)

EBALUAZIO BATZORDEA ETA HAUTATUEI JAKINARAZTEA

Irizpide horiek jarraituz, proiektuak ebaluatu eta hautatuko ditu epaimahai batek. Epaimahai hori berariaz eratuko da ondorio honetarako eta Gipuzkoako Foru Aldundiko eta Platoniq Fundazioko

kideek osatuko dute.  Talde ebaluatzaileak proiektuei buruzko informazio gehiago eskatu ahal izango du eta, halaber, beharrezkotzat jotzen badu, aholkularien laguntza eskatu ahal izango du, behar bezala baloratzeko berariazko ezagutza beharrezkoa duten gai jakin batzuetarako.

Orohar gehienez 15 proiektu aukeratuko dira.

Platoniq fundazioak beretzat gordeko du proiektuak ez argitaratzeko eskubidea, bai plataforman argitaratzeko oinarri hauetan, https://goteo.org/faq/project eskuragarri daudenak, zehaztutako oinarrizko irizpideak betetzen ez dituztelako, bai eta eskaini zaien aholkularitza jarraitu edo hartan aktiboki parte hartu ez dutelako ere.

Hautatutako proiektuen sustatzaileei indibidualki egingo zaie jakinarazpena.

Aukeratutako proiektuek formalki baieztatuko dute euren onarpena; horretarako, emango zaien ereduaren araberako erantzukizunpeko adierazpen bat sinatu eta atxikiko dute, oinarriak onartuz eta kanpainen dinamizazioan eta Goteoko aholkularitza taldeak beharrezko ikusten dituen beste jarduera guztietan aktiboki parte hartzeko konpromisoa hartuz.

Aukeratutako proiektuen zerrenda osoa Meta!ren webgunean eta goteo.org web orrian argitaratuko da,  2022ko uztailaren 12a baino lehen.

4.4. Aholkularitza hautatutako proiektuei

2022ko uztailaren 13tik irailaren 28ra arte, hautatutako proiektuen sustatzaileek online aholkularitza espezializatua eta banakakoa jasoko dute, crowdfunding kanpainako proiektuak egokitzen eta optimizatzen amaitzearren eta maximizatzea (konpromiso soziala eta sariak, aurrekontu minimo eta hobeezina, bideo eta irudiak...) proiektu bakoitzaren helburuak.

Hautatutako proiektuek prestakuntza espezializatua jasoko dute 2022ko irailaren 2 eta 5ean, eta komunikazio plan bat behar bezala antolatzeko lan egingo da. Proiektuek aholkularitza jasoko dute euren egitasmoak crowdfunding kanpainara egokitu eta optimizatzeko, proiektuen helburuak betetzeko aukerak maximizatzearren.

2022ko irailaren 2 eta 5eko lantegira joatea nahitaezkoa da hautatutako proiektuen arduradunentzat (proiektu bakoitzeko gehienez 2 pertsona)

5. META! PROIEKTUEN CROWDFUNDING KANPAINAK EZAGUTZERA EMATEA

2022ko irailaren 29an, aldi berean ezagutzera emango dira hautatutako proiektuen crowdfundinga bultzatzeko kanpainak; kanpaina horien bidez, proiektuen sustatzaileek, herritarrek, Gipuzkoako Foru Aldundiak, Platoniq-ek eta beste kolaboratzaile-eragile batzuek ahaleginak batuko dituzte aurretiaz finkatutako finantzaketa-helburuak erdiesteko.

Proiektu bakoitzak elementu hauek izango ditu: aurkezteko berezko espazioa, albisteak eman etaeguneratzeak egiteko bloga, 2.0 komunikazio-tresnak, ordainketa-pasabidea, etab. Kanpainaren lehen txanda irailaren 29tik azaroaren 7ra (23:59etan) bitartekoa izango da, eta bigarren txanda, berriz, azaroaren 8tik azaroaren 27ra (23:59etan) bitarte. Badaude, hortaz, lehen finantzaketa txanda bat, 40 egunekoa, eta bigarren txanda bat, 20 egunekoa, zeinak lotzen baitzaizkio proiektuaren gutxieneko eta gehieneko aurrekontuari (horren inguruko informazio gehiagorako jo oinarri arautzaile hauen 7. atalera).

Crowdfundinga bultzatzeko kanpaina amaitu eta hurrengo 12 hilabeteetan, Platoniq-ek eta Gipuzkoako Foru Aldundiak proiektu arrakastatsuen eta haien helburu eta konpromisoen jarraipena egingo dute, parte hartzen duten eragileek eta kolaboratzaileek kasu bakoitzean ezarritako epeei jarraituz.

Baita ere, proiektuaren helburuak bete ondoren, gonbidapena luzatzen zaie proiektu-sustatzaileei aurrera eramandako jardueratik eratorritako materialak Goteon ipini ditzaten, komunitatearekin partekatzeko eta jakintza berriak sortzeko: adibidez, artxiboak, dokumentazioa, web orriak, iturburu-kodeak, etab.    Kanpaina kudeatu> Material partekatuak ataletik egingo da hori.

ia jarriko zaie digitalizatzea edo egungo krisiari irtenbide sortzaileak ematea bilatzen duten proiektuei, kultur praktikatik abiatuta.

Crowdfundinga bultzatzeko kanpaina Gipuzkoako gizarteari zuzenduta dagoenez, formatuaren bidez bilatu beharko da proiektua lurraldeko kultura- eta sorkuntza-beharrekin batzeko erarik onena.

6. META! MATCHFUNDINGAREN FUNTZIONAMENDUA

Meta! egitasmoak 70.000 euro arteko matchfunding poltsa bat du, herritarrek Goteo plataformaren bidez proiektuei ematen dizkieten banakako ekarpenak osatzeko Gipuzkoako Foru Aldundiak ipiniak.

Meta! egitasmoaren matchfunding a kanpaina amaitzean esleituko zaie proiektuei, betiere lehen txanda arrakastatsua izan bada, match euro 1 crowdfunding bidez lortzen den euro bakoitzeko, gehienez ere proiektu bakoitzeko matchfunding eko 4.700 euro, oinarri hauetan jasotako baldintzen barruan.

Matchfunding eko 70.000 euroak aukeratutako proiektuen artean banatzeko baldintzak eta beste alderdi batzuk (mugak, kontratuak eta ordainketak) ondoren zehazten dira:

a) Gipuzkoako Foru Aldundiak jartzen duen Meta! egitasmoaren matchfunding osoa 70.000 eurokoa da gehienez.

b) Goteok egindako crowdfunding kanpaina guztietan, proiektuarentzat ipinitako crowdfunding a eta matchfunding a ordaindu ahal izateko proiektua bere gutxieneko finantzaketara iritsi behar da kanpainaren lehenengo 40 egunetan.

c) Fondoa proiektuen artean banatuko da, behin kanpainak amaituta, hiritarrek ipinitako euro 1 = Foru Aldundiak ipinitako euro 1 izanik

d) Proiektu bakoitzerako matchfunding zenbatekoa 4.700 eurokoa izango da eta hiritarren artean egindako diru bilketari gehitzen zaio.

e) Sustatzaileek eta herritarrek crowdfundingean gehiago inplikazioa sustatzeko aukerako pizgarriak ezartzen dira, kanpainetan aktibatuko direnak, 3 unetan non euro 1=euro 1eko proportzioa aldatuko den eta Foru Aldundiaren ekarpena handitzen joango den.

Kanpainan dauden proiektu guztiek gutxieneko aurrekontua lortzen duten hurrengo egunetik aurrera, 48 orduko epealdi bat jarriko da martxan eta hiritarren ekarpenak hirukoiztu egingo dira.

40 eguneko lehen txandako une batean, eta 20 eguneko bigarren txandako beste une batean, Goteoko aholkulariek hala aukeratuta, sustatzaile guztiei jakinaraziko zaie 24 orduko tartean hiritarren ekarpenak biderkatu egingo direla, kanpainen aktibazioa sustatzeko eta helburuak lortzeko.

Prozesu horien bidez ekarpenak hirukoiztu egingo dira; hau da, erabiltzaile batek 100 euro ipintzen baditu, Foru Aldundiak 200 euro jarriko ditu; proiekturako 300 euro izango direlarik.

f) Lehenengo 40 egunak igaro eta gero proiektu batek edo batzuek gutxieneko finantzaketa-helburura iristea lortzen ez badute, proiektu horiek bildutako kopuruak ez dira eraginkor egingo eta ekarpenei lotutako matchfunding a erabilgarri geratuko da beste Meta! proiektu batzuetarako; proiektu horiek dirua biltzen jarraitu ahal izango dute hurrengo 20 egunetan, betiere lehenengo errondan finantzatzeko gutxieneko aurrekontua gainditu badute, eta kasu horretan bakarrik, Foru Aldundiak proiektuko ipinitako 4.700 euroko matchfunding muga gainditu ahal izango dute.

g) Matchfunding a bikoizteko ekarpena behin bakarrik egingo emaile eta proiektu bakoitzeko (hau da, Goteoko erabiltzailearen profil bakoitzetik). Nahiz eta profil beretik nahi adina ekarpen egin ahal izango zaion proiektu bati, matchfunding a erabiltzaile edota erakundeak egiten duen lehenengo ekarpenean soilikgehituko dela, eta gehienez ere 100 euro arte.

h) Matchfunding aren ordainketa eta hiritarren dohaintzak batera egingo dira, proiektuaren sustatzaileek eta Platoniq Fundazioaren arteko kontratua sinatu ondoren

7. CROWDFUNDINGAREN ETA GOTEO FUNDAZIOAREN INGURUKO INFORMAZIO GARRANTZITSUA

Platoniq Fundazioa eta goteo.org

Gipuzkoako Foru Aldundiak Platoniq Fundazioarekin batera Meta! egitasmoa garatzeko aukeratu duen bidea crowdfunding a da, talde-finantzaketa egiteko tresna bat. Crowdfundingaren oinarria ez da eskatzea, aitzitik, proiektu baten inguruan dauden interes-taldeak parte hartzera bultzatzea eta horiei eragitea da; hala bada, finantzazioa lortzeko modu batetik harantz, harremanetan jartzeko eta lankidetzan aritzeko modu berria proposatzen du.

Meta! egitasmoa Goteo.org-en bidez garatzen da. Goteo talde-finantzaketa (diru-ekarpenak) eta lankidetza banatua (zerbitzuak, azpiegiturak, mikroatazak eta beste baliabide batzuk) burutzeko gizarte-sarea da, eta haren bidez, herritarren konpromisoari esker, proiektu sortzaile eta berritzaileen garapen autonomoa sustatzen da, gizarte esparruetako helburuak lortzearren.

Platoniq Fundazioa irabazi asmorik gabeko entitate bat da eta Goteo.org crowdfunding plataformaren garapena eta mantenimendua lortzeko sortu zen, modu ireki, garden eta independentean. Fundazioak, baita ere, esperimentazio laborategi bat sustatzen du, gizarte, kultura eta ekonomia alor desberdinetan ondare komuna, kode irekia eta ezagutza askea aplikatzen joateko eta mikromezenasei onura fiskalak ziurtatzen dizkie, irabazi asmorik gabeko eta onura publikoko entitatea baita.

Hala bada, Goteo crowdfundinga erakartzeko plataforma bat da, pertsonek eta erakundeek gizartearen aldetik errentagarriak, jasangarriak eta denboran iraunkorrak diren proiektuak arrakastaz burutzea ahalbidetzen du. Gizartearen etengabeko hobekuntza lortzeko aukera berriak sortzen dituzten ekimenak, garatzen diren lekuetan aldaketa positiboak bultzatzera bideratuak, horiek sortzen edota hartzen dituen komunitatea indartzen laguntzen dutenak (gizarte-onura), eta ezinbestez ondare eta baliabide komunak aberasten laguntzen duen DNA irekia dutenak, era horretan ahalik eta pertsona- eta talde-kopuru handienak transferitu eta berrerabiltzeko aukera ziurtatuz (eta, ondorioz, guztien ongia sustatuz).

Crowdfundingak oro har, eta Goteok bereziki, hainbat berezitasun dituzte, Meta! egitasmora aurkeztutako proiektuak modu eraginkorrean doitu ahal izateko kontuan hartu behar direnak. Jarraian, alderdi horietako batzuk labur azalduko ditugu.

Gutxieneko aurrekontua eta aurrekontu hoberena

Meta! egitasmoan proiektuen crowdfunding kanpaina bi txandatan banatzen da, lehenengoa 40 egunekoa da eta bigarrena, 20 egunekoa. Proiektuaren aurrekontua finkatzeko orduan, banatu egin behar da, gutxieneko aurrekontua eta aurrekontu hoberena zehaztuz.

Gutxieneko aurrekontuak zerikusia du proiektua martxan jartzeko behar den kapitalarekin, hasierako lanak, kritikak eta ezinbestekoak aurrera eramateko.

Aurrekontu hoberenak zerikusia du proiektua ekoizteko lan gehigarriekin, sofistikazioa edo hobekuntza lortzeko (ekoizpena handitu, beste hizkuntzetara itzulpenak egin, beste euskarrietan eskaini, etab.).

Hori da guk eskaintzen dugun beste desberdintasunetako bat, Goteo diseinatzeko ikertu ditugun beste plataforma eta crowdfunding dinamika askorekin alderatuta. Gure ustez gero eta urrunago joan beharra dago proiektuen mikromezenas eta sustatzaileen arteko harremanetan, zeren konfiantzan eta emaitza gardenetan oinarritutako sistema batekin joan gaitezke finantzaketa txanda gehiago ezartzera, sorkuntzan aurrerapen esanguratsuak lortu ondoren.

Konpromiso soziala: Askea eta irekia dena sustatzea

Goteotik, Meta! kanpaina antolatu duen plataformatik, kulturaren esparruko herritar-prozesuak hobetzearekin zerikusia duten ekimenak sustatzen dira, emaitzen gardentasunaren, transferentziaren eta berrerabilpenaren garrantzia nabarmentzen dira, eta era horretan, ondare komunen, ezagutza askearen eta kode irekiaren garapena bultzatzen da. Hau da, proiektuek komunitatearekiko konpromisoa eta eragin soziala eduki behar dute; lurraldearekiko, auzoarekiko, eta gizartearekiko lotura izan behar dute, eta haien inplikazioa lortu behar dute; kulturaren eskuragarritasuna sustatu behar dute, horretarako lizentzia libreak erabiliz (Creative Commons edo GPL, GPL General Public License), ezagutza partekatuz eta iturburu-kodeak nahiz jarduerarekin zerikusia duten produktu, baliabide eta edukiak eskuratzeko aukera zabalduz, horiek kopiatu, berrerabili eta berriz nahastui ahal izateko.

Proiektuen sustatzaileak lizentzia libre edo irekien bidez partekatutako materialen egileak izan behar dira. Egokiena den lizentzia aukeratzea (irekiagoa edo ez hain irekia) egilearen erabakia da,  eta hirugarrenek (beste pertsona edo erakunde batzuek) erabiltzeari jarritako muga definituko da horrela.

Lizentzia irekiak dituzten proiektuak bereziki baloratuko badira ere, edozein motatako lizentzia duten proiektuak aurkez daitezke. Alde guztiek hartzen dute bere gain proiektu bakoitzaren lizentziaren terminoak bere osotasunean errespetatzeko konpromisoa.

Banakako sariak

Konpromiso sozialaren osagarri moduan, proiektuek banakako sariak eskaini behar dituzte, proiektu bakoitza zuzenean finantzatzen duten pertsonei zuzenduta. Sari horiek emandako kopuruaren araberakoak izango dira, eta askotarikoak izan daitezke: eskertzeko hainbat modu eta proiektuari lotutako ikusgaitasuna, zerikusia duten eta osagarriak diren produktuak eskaintzea –zenbait sofistikazio-mailatakoak, emandako kopuruaren arabera–, edota merchandisinga, bisita teknikoak, hasierako aurkezpenetarako gonbidapenak, lantegiak, etab. Goteok crowdfundinga bultzatzeko kanpainetan alderdi horren edo berariazko beste baten gaineko aholkularitza eskainiko du.

Lankidetza banatua

Goteo fundazioan, ekarpen ekonomikoak egiteaz gain, beste modu batzuetan ere lagundu daiteke: mikroatazak, (itzultzaileak, tester direlakoak, preskriptoreak) eta materialen maileguak (garraioa, ekipamenduak) edo azpiegiturak lagatzea (espazioak, instalazioak), besteak beste. Horregatik, proiektuetan argi eta garbi zehaztu behar da zer arlotan behar den lankidetza.

Bestelako informazio garrantzitsua

Crowdfundingerako aurkeztuko den proiektua hobeto prestatzeko, material hauek kontsultatzea gomendatzen dugu:

1. Cómo lanzar una campaña en Goteo en un video tutorial
2. ¿Qué es el Matchfunding?
3. Condiciones generales y preguntas más frecuentes sobre Goteo
4. Ejemplos de proyectos exitosos (y de recompensas)
5. Un ejemplo de compromiso social: la perspectiva de género
6. Sobre el plan de comunicación y estrategia de difusión
7. A qué nos referimos con libre y abierto y la diferencia (complementaria) con lo que es social

Meta! 2016-21 Deialdiak
    Convocatoria Meta! 2021
    Convocatoria Meta! 2020
    Convocatoria Meta! 2019
    Convocatoria Meta! 2018
    Convocatoria Meta! 2017
    Convocatoria Meta! 2016

8. ORDAINKETA MODUA

Arrakastaz finantzatzen diren proiektuek, ordainketa jaso aurretik, Platoniq Fundazioarekin kontratu bat sinatu beharko dute, eta hor azalduko dira alderdi sinatzaile guztiek bere gain hartzen dituzten baldintza eta konpromisoak.

Platoniq Fundazioak pribatuen aldetik bildutako diru kopuruaren % 5ko komisioa kobratuko die arrakastaz finantzatutako proiektuei, plataformako zerbitzuak, euskarri teknikoa, ordainketa-kobratze kudeaketa, eta abarren zerbitzuak erabiltzeagatik.

Horri gehitu behar zaizkio transakzio ekonomikoen ondoriozko komisioak (bildutakoaren % 2 inguru, ekarpen gehienak nola egiten diren kontuan hartuta, Paypalen bidez edo bestelako ordainketa-pasabideen bidez).

Proiektua gutxieneko aurrekontura iristen ez bada, ez da komisiorik kobratuko, eta kanpainaren garapenak ez du kosturik izango sustatzaileentzat.

Lortutako ekarpen pribatu guztien batura –Goteori eman beharreko % 5a eta hiritarren crowdfundingetik eratorritako banku-gastuak kendu ondoren– proiektu bakoitzak kanpaina hasi aurretik eman duen bankuko kontuan ordainduko da.

Matchfunding zatia (proiektu bakoitzeko gehienez 4.700 euro) proiektuei zuzenean eskualdatuko zaie, kanpaina amaitzen denean.

Kanpainari lotutako gainerako zerbitzuak –15 proiektuak barnean hartuko dituen mikrogune bat sortzea da; ekimena ezagutzera ematea eta hedatzea; hedatzeko ekintzak antolatzea; eta proiektu bakoitzari banakako aholkularitza ematea– Gipuzkoako Foru Aldundiak hartuko ditu bere gain eta Platoniq Fundazioak eskainiko ditu.

Halaber, kanpainak irauten duen 60 egunak iragandakoan eta finantzatzaileei kobratzeko orduangerta daitezkeen gorabeherak zehaztu eta konpondu ondoren, proiektu bakoitzaren sustatzaileariegingo zaio ordainketa, kanpainaren iraunaldian proiektuak jasotako ekarpen guztien izaera eta jatorria zehaztuta dauzkan txosten bat ematearekin batera.

Ordainketa diru bilketa kanpaina bukatutakoan egingo da, proiektuaren sustatzaileek eta Platoniq Fundazioaren arteko kontratua sinatu ondoren.

9. XEDAPEN OROKORRAK

Meta! egitasmorako deialdian parte hartzeko Goteoko baldintza orokorrak onartu behar dira, etaoinarri hauek osorik eta baldintzarik gabe onartu behar ditu proiektu bakoitza sustatzen duenak; halaber, esku hartzen duten alderdiekin (Platoniq Fundazioa eta Gipuzkoako Foru Aldundia) sinatutako kontratuen ondoriozko konpromiso guztiak onartu behar dira.

Horrez gain, ziurtzat jotzen da aurkeztutako proiektuaren egilea eta titulartasuna bermatuta daudela, eta ez direla urratu beste inoren obraren jabetza intelektualaren eskubideak.

Hautatutako proiektuen jabetza intelektual eta industriala sustatzaileen titulartasunekoa izango da, jabetza intelektualaren araudiarekin eta gainerako legedi aplikagarriarekin bat eginez.

Proiektuak Goteo plataforman sartzeak ez du inolaz ere esan nahi Goteo Fundazioari lagatzen zaionik jabetza intelektual edo industrialaren eskubiderik.

10. INFORMAZIO GEHIAGO ETA HARREMANA

Deialdiari, garapen-faseei eta proiektu motari buruzko informazio gehiago eskuratzeko, eta META! egitasmoaren gaineko beste argitasun eta kontu praktiko batzuk lortzeko, gurekin harremanetan jar zaitezke helbide hauetan:

    Goteo: meta@goteo.org
    Oinarriak deskargatzeko formatua: https://goteo.org/call/meta-gipuzkoa-2022
    Gipuzkoako Foru Aldundia: meta@gipuzkoa.eus