Euskadin Osasunaren arloan proiektu berritzaileak sustatzeko II Deialdia

Proiektuen deialdi publikoa:
> 2014ko martxoaren 11tik apirilaren 11ra
Aukeratutako 5 proiektuen crowdfunding kanpaina :
> 2014ko maiatzaren 20tik abuztuaren 7ra

CROWDSASUNA 2013, lehen deialdian, osasunaren arloko 26 proiektu berritzaile aurkeztu ziren eta horietatik 5ek crowdfundingarekin probatzeko aukera izan zuten. Honako gai hauekin lotutako 5 proiektu izan ziren: haurren intoxikazioen inguruko ikerketa, emozioen ariketa, zainketak bizilagunen elkarteetan, egokitutako bizikletak eta eskola-bide seguruak.. 3 proiektuk lortu zuten bilatzen zuten finantziazio kolektiboa eta denek lortu zuten euren komunikazioa hobetzea, sareak zabaltzea eta beraien ekimenetan bestelako pertsona edo erakundeak ere sartzea.

Innobasquetik, Obra Social “la Caixa”, ”-ren laguntzaz, CROWDSASUNAren bigarren edizioa sustatzen dugu 2014ean. Gure helburu nagusia osasunarekin eta bizitza osasuntsuarekin zerikusia duten proiektu gehiago egi bihurtzea da: biztanleen talde jakin baten bizitza hobetuko duen osasun-produktu/zerbitzu bat; eguneroko bizitzan pertsonen ariketa fisikoa dinamizatuko duen ideia bat; zerbitzu sozialekin, osasun-arretarekin eta boluntarioen erakundeekin bat etorriko den laguntza-eredua; Euskal Herriko gizartearengan eragina duen osasun-gai baten dibulgazioa… Hau guztia eta askozaz gehiago.

Deialdi honetan bost proiektu aukeratuko dira eta, ondoren, 12.000€ko Ureztatze-Kapitala izango duen crowdfunding kanpaina batean sartuko dira. Poltsa hau gizarteak egiten dituen ekarpenekin osatuko da; horrela, ekarpen bakoitzeko Ureztatze-Kapitala poltsak beste ekarpen bat egingo du, deialdi honetan zehazten diren prozeduren eta baldintzen arabera beti..

Beraz, proiektu berritzaile bat baduzu, finantziazio beharra baduzu eta crowdfundinga probatzeko gogoa baduzu...

Hau da zure aukera!

Jarraian CROWDSASUNAren bigarren deialdiko gakoak ikus ditzakezu:

1. Zergatik CROWDSASUNA
2. Nori zuzendua dago
3. Proiektu motak
4. Baloratzeko irizpideak
5. Deialdiaren jardunbidea eta datak
6. Ureztaketa Kapitala
7. Zehaztapen eta baldintza orokorrak

1. Zergatik CROWDSASUNA

Osasunaren Mundu Erakundearen (OME) arabera, Osasuna ongizate fisiko, mental eta sozial osoaren egoera da, eta ez bakarrik gaitzik edo gaixotasunik ez izatea . Egoera hori, neurri batean, giza biologiak mugatzen du eta osasun-laguntzako sistemak, baina baita ere, eta neurri handiagoan, ingurumen, bizi-estilo eta osasun-portaera bezalako faktoreek. Eta arazo horietan jendearen eta beste eragile ez-sanitario batzuen inplikazio aktiboak funtsezko eginkizuna betetzen du.

Horregatik, Innobasqueren Gizarte Efiosasungarriaren Dinamikatik, pertsonen ahalmena indartu nahi dugu osasunean, eta jendea mobilizatuz, laguntza-sareak sortu eta jendearen arteko lankidetza sustatu, bizi-ohitura osasungarriak lortzeko.

Honela, osasunaren eta bizitza osasuntsuaren arloko ekimen berritzaileak proposatu, sustatu eta finantzatzeko bide berriak aztertzeko asmoz, beste crowdfunding deialdi bat sustatzen dugu. Crowdfunding deialdi bat da, Euskadin osasunaren eremuan arazoak konpontzera edo premiak asetzera bideraturik dauden proiektuetarako, baldin eta era aske eta irekian egiteko bokazioa baldin badute.. Aukera bat da inplikatutako eragileen arteko harreman berriak bilatzeko, interesak eta baliabideak biltzeko eta proiektu-multzo bati ikusgaitasun egituratua emateko, betiere prozesuan laguntza emanez, aholkularitza espezializatuaren bidez, eta agente inplikatu eta kolaboratzaile izan daitezkeenekiko komunikazioan eta konexioan lagunduz.

2. Nori zuzendua dago

CROWDSASUNAekimenean norbanakoek eta erakundeek parte har dezakete, bai banaka, bai taldeka eta baita hainbat eragile bilduta ere. Deialdia eriei, zaintzaileei, senitartekoei, osasun-langileei, ikertzaileei, erakundeei, fundazioei, enpresei, ikastetxeei… zuzendua dago. Deialdi honen xedeetako bat eragileen tipologia eta osasunaren eta bizitza osasuntsuaren garapenean erabilitako baliabideak askotarikotzea da; horregatik, ez dira aintzat hartuko eragile nagusitzat administrazioa edo enpresa publikoak dituzten proiektuak.

3. Proiektu motak

Ekimen hauek lotuta egon behar dute ongizate fisiko, mental eta sozialerako portaera eta ohitura osasungarriekin, autozaintzarekin eta norberaren autonomiarekin, prebentzioarekin, osasun-arretarekin, zahartze aktiboarekin, kronikotasunarekin, gorputz, zentzumen edo adimen arloko ezintasunekin. Produktu-ideia bat izan daiteke, edo zerbitzu bat, ikerketa bat, teknologia berri bat, zabalkunde eta kontzientziaziorako elementu bat... Garrantzitsua zera da, oro har gizartearen edo biztanleriaren zati jakin baten bizi-kalitatea eta osasun-maila hobetzen laguntzea.
 

4. Baloratzeko irizpideak

CROWDSASUNAra aurkezten diren proiektu guztien artetik 5 aukeratuko dira. Aukeraketa hori egiteko, ondorengo balioespen-irizpideak hartuko dira kontuan:

• Proposamenaren bideragarritasun orokorra eta crowdfunding-ak finantzabide gisa eskaintzen dituen aukeretara proiektuak egokitzea, kontuan izanda honako gaiak :
  • ' Hasierako ideia ' baino fase aurreratuago edo zehatzagoan aurkitzea, eta ekimena benetan garatzeko aurrekontua eta plana izatea.
  • Sustatzaileek edo parte-hartzaileek eskarmentua eta froga daitekeen gaitasuna izan beharko dute proiektua modu eraginkor eta erakargarrian zabaltzeko (batez ere 2.0  baliabideen bidez), eta gure aholkularitzaren laguntzarekin komunikazio-plana garatu eta ezartzeko gai izan beharko dute.
  • Dagozkien komunitateak eta interes-taldeak ongi identifikatuta izatea (Sustatzaile hauek kanpaina hasi aurretik ere proiektuan inplikatuta egotea hobetsiko da).   
  • Euren interes-taldeentzako erakargarriak izango diren banakako sariak proposatu beharko dituzte. Gainera, talde-erabilera izango duten baliabideak eskura jarriz, kode irekia erabiliz edo/eta baimen askeak erabiliz, emaitzen erabilera eta errepikatzeko gaitasuna ahalbideratuko duten itzulera kolektiboak sortu beharko dituzte (ikus gai honi buruzko informazio gehiago 6.2 atalean, Oinarri Arautzaileak).
     
• Euskadin garaturiko proiektuak izatea.
• Proposamenaren kalitatea eta orijinaltasun eta berrikuntzaren maila gaur egun dagoen ezagupen, produktu, zerbitzu eta abarren eskaintzari buruz, eta komunitatearentzat desiragarriak diren balioen sustapenari dagokionez, inguruan ondorio positiboak, eraldatzaileak sor ditzaten.
• Eragileen artean kudeaketa parte-hartzaile eta gardenaren, lankidetzazko jardunbideen edo/eta kooperazioaren sustapena.
• Hautaturiko proiektu multzoaren aniztasunari erantzutearekin loturiko beste irizpide batzuk, eragileen tipologia, formatu eta jardunerako inguruneei dagokienez.
   

5. Deialdiaren jardunbidea eta datak

• 2014ko martxoaren 11 eta apirilaren 11 bitartean, biak barne osasunaren eta bizimodu osasungarriaren inguruko proiektuak aurkezteko deialdi publikoa irekiko da. Izen-ematea on-line egongo den inprimakia betez egingo da. Eragile bakoitzak gehienez bi proiektu aurkez ditzake. 5 ekimen aukeratuko dira eta ebazpena 2014ko apirilaren 30ean jakinaraziko
• Proiektua aurkeztu nahi dutenei ahalik eta informazio gehien emateko eta proiektuak hobetu eta crowdfundingera egokitzeko, prestakuntzarako eta zabalkunderako hainbat jarduera antolatuko dira CROWDSASUNA ekimenean: Martxoak 11n, jendaurreko aurkezpena Bilbon, Martxoak 19an, galdera-saioa on-line, 25ean eta 26an, bi lantegi praktiko Bilbon eta Donostian.. Jarduera hauei buruzko informazio zehatza eta izena emateko eta parte hartzeko moduei buruzko xehetasunak, HEMEN; aurki daitezke.
• 2014ko maitzaren 5 eta 16 artean , 5 proiektuen sustatzaileek aholkularitza berezitua eta pertsonalizatua jasoko dute.
• Aukeratutako 5 proiektuen CROWDSASUNA crowdfunding kanpaina 2014ko maiatzaren 20tik abuztuaren 7ra artekoa egingo da eta tarte honetan, finantziazioa egiteko bi txanda egongo dira 40egun+40egun: lehenengoa, “dena edo ezer ez”, proiektuaren gutxieneko aurrekontuari lotutakoa; eta bigarrena, aurrekontu hobezinari lotutakoa. Proiektu bakoitzak aurkezpenerako espazioa, berrientzako eta eguneraketetarako bloga, 2.0 komunikaziorako tresnak, ordainketarako pasabidea, etab. izango ditu eskura. Gainera, proiektuek komunikaziorako eta inplikatutako eragileekin eta laguntzaileekin harremanak egiteko..   
• Crowdfunding kanpaina bukatu eta hurrengo 12 hilabeteetan GoteoEuskadi eta Innobasqueren aldetik proiektu arrakastatsuen jarraipena egingo da, eta horien helburuen eta konpromisoen betetzeari buruzkoa ere bai, kasu bakoitzean ezarritako epeetan.

6. Ureztaketa Kapitala

CROWDSASUNAk , Obra Social "la Caixa-ren" laguntzari esker, 12.000€ko Ureztaketa Kapital poltsa du, herritarrek Goteo bidez proiektu bakoitzerako egiten dituzten banako ekarpenak osatzeko. Erakunde publikoek, enpresek edo bestelako erakunde pribatuek gizarteak egindako ekarpenak biderkatzeko egin dezaketen inbertsio sozial ko-erantzulea egiteko modua da ureztatze-kapitala .

Ureztaketa Kapitalaren 12.000€ -ak hautaturiko 5 proiektuen artean banatzeko baldintzak, baita muga, kontratu eta ordainketari buruzko beste gai batzuk ere, Oinarri Guztian zehaztuko dira.

7. Zehaztapen eta baldintza orokorrak

CROWDSASUNAri buruzko informazio zehatza PDFan dauden OINARRIAK jaitsita ikus dezakezu: garapen-faseak, proiektu motak, crowfunding-ari eta GoteoEuskadi-ri buruzko zehaztasunak, konpromisoak, ordainketak eta komisioak eta bestelako argibide eta kontu praktikoak ere.

Zure crowdfunding proiektua hobeto prestatzeko, ondorengo materialak kontsultatzea gomendatzen dizugu:

• Ulertu Goteo eta crowdfunding 17 minutuko bideoaz
• GoteoEuskadin proiektu bat garatzeko dekalogoa
• Baldintza orokorrak eta GoteoEuskadiri buruz Maiz Egiten diren Galderak
• Komunikazio-planaz eta zabalkunde-estrategiaz
• Proiektuetatik eskaintzeko itzulkin- eta sari-motaz
• Proiektu arrakastatsuen adibideak
• CROWDSASUNA 2013ren aurkezpena
• CROWDSASUNA 2013an aukeratutako proiektuak
• CROWDSASUNA 2013ren azken txostena

CROWDSASUNAri buruzko deialdi, garapen-fase, proiektu-mota eta beste argibide eta gai praktiko batzuei buruzko argibide gehiagotarako, gurekin harremanetan jar zaitezke bidez:

• Innobasque - Efisalud: crowdsasuna@innobasque.com
• GoteoEuskadi: aupa@euskadi.goteo.org